[ad id=”1177″]
سلام ياعم
سلام يا عم للمطحونين
للي ربي و اللي علم
و اللي اسمه
أكيد “معلم”
كتب رسالته من سنين
علوم رياضه ، فكر و أدب
علي ايده كان
أحمد زويل .
علي ايده كان
طه الادب .
و التكنولجيا من يومين
سيبو الرساله يا محتارين
علي ايدكو كان
كل العجب !!
تصنيف يذيع ،
أسمه أتشطب
بقت فضايح عالملأ
وأنتوا السبب ؛
[ad id=”1177″]
هي دي حكاية و جع
أيوة دي حكاية أنين
تعظيم سلام للمسئولين
يجي قرار بعديه قرار
لازم ننفذ . أكيد امين
و فجأه نعرف .
من اللي يعرف
إنهم متغيرين !!
نجيب دفاتر ؛ نكتب نعافر
زي ما قالوا الموجهين
منهج ، خرايط
ديسك ، و شرايط
و حبة دفاتر مكتوبين
نفتح محاضر ولا العساكر
تطلع أوامر ، نقول أمين
رقّم دفاترك .
و أختم محاضرك .
تقولشي أحنا مُحضرُين
و دا متابع . عشان يتابع ؛
يسد نِفس المطحونين
فليَّ الدفاتر
قانون يا شاطر
ملاحظة عنك للمسئولين
مليون سلام للمبدعين
مش كفايه مستحملين
نراضي مين و لا مين
يجي واحد يقول تمام
و يجي غيرة يعرفك .
شغلك دا طين !!
سلام يا عم للمطحونين
أشراف يا سيدي .
و مش بأيدي ؛
أجدع سلام للشقيانين
حيّ العلم ، دوّر طبورك
و انتا يلاا الدور دا دورك
علي فصولكم يا مُعلمين
نطلع سلالم ؛ ننزل سلالم
و ربي عالم .صوت الشقيَ
أصبح حزين
سلام يا عم للمطحونين
١/١ و ٢/٢ أستاذ محمد
و مس أمل متأخرين
شوفو اللي فاضي
يجي المدير يعملي قاضي
أدخل أنا . و أقول أمين
ولاا الحصص..
يعني يا دوب حبة قصص
بس يا ناهد و اقعد يا حفص
نفضل نهاتي و مصدعين
سلام يا عم للمطحونين
سلام مربع .
عرق يندّع . عالجبين
عرق يلالي و راتبه عالي
يَدُوب يَدُوب ١٢٠٠
و أدي العرق ؛
عدي الجفون .
تحت العيون .
رسم دموع . بدل اللطيم
أتقال حرامي ومش عصامي
طلع الحرامي !!
مسئول بيسرق من سنين !
سلام يا عم .?
سلام مربع للمطحونين
[ad id=”1177″]
